دۆلار بەرزبۆوە و لیرەی سووری دابەزی

نرخی دۆلار لەبازاڕەکانی هەرێم لەماوەی هەفتەیەکدا نزیکەی هەزار دینار بەرزبۆتەوە هاوکات لیرەی سووری نزیکەی 100 هەزار دابەزیوە.

ئەمڕۆ لەبازارەکانی هەرێم نرخی دۆلار جارێکیتر بەرزبۆوە و 100 دۆلار بەرامبەر 150 هەزار و 700 دینار مامەڵەی پێوەکرا، ئەمەش بەراورد بە هەفتەی ڕابردوو ئەمکاتانە نزیکەی 750 دینار بەرزبۆتەوە.

هاوکات جارێکیتر لیرەی سووری لەبازاڕەکانی هەرێم ڕووی الە دابەزین کرد و 1ملیۆن لیرەی سووری بە 365 هەزار دینار مامەڵەیا پیوەکرا، ئەمە لەکاتێکدایە هەفتەی ڕابردوو 1ملیۆن لیرەی سووری بەرامبەر 500 هەزار دیناری عێراقی بوو.

لەلایەکی ترەوە تمەنی ئێرانی نرخی ناجێگایرە و ئەمڕۆ لەبازاڕەکاندا نرخی 100 دۆلار بەرامبەر بە حەوت ملیۆن و 500 هەزار تمەنی ئێرانی بوو، بەمەش لەماوەی ئەم هەفتەیەدا تمەنی ئێرانی نزیکەی 200 هەزار دابەزیوە.

نرخی دراوەکان لە بازارەکانی هەرێم:

100 دۆلار بەرامبەر 150 هەزار و 700 دینار

100 دۆلار بەرامبەر 7،500،000 تمەن

100 دۆلار بەرامبەر 3،410 لیرەی تورکی

100 پاوەن بەرامبەر 187،000 دینار

100 یۆرۆ بەرامبەر 157،000 دینار