دوو سیناتۆری ئەمریکا ڕایدەگەیەنن، ئەگەر تورکیا هێرش بکاتە سەر ڕۆژئاوای کوردستان، سزای بەسەردا دەسەپێنن و هێزە کوردییەکانیش بە “هاوبەشی ئەمریکا” وەسف دەکەن.
سیناتۆر کریس ڤان هۆڵین، لە دیموکراتەکان و لیندسی گراهام لە کۆمارییەکان؛ لە هەژماری خۆیان لە تۆڕی کۆمەڵایەتی ئێکس، هەڕەشەی سەپاندنی سزا بەسەر تورکیادا دەکەن ئەگەر ئاگربەست لەگەڵ کوردەکانی سووریا ڕانەگەیەنێت و پێشنیازی ناوچەی لە چەک داماڵراو قبووڵ نەکات.
ئەو دوو سیناتۆرە لە هەژماری تایبەتی خۆیان لە تۆڕی کۆمەڵایەتیی ئێکس، دەڵێن: “ئەم هەفتەیە پرۆژە یاسایەک بۆ سەپاندنی سزا بەسەر تورکیادا ئامادە دەکەین، ئەگەر تورکیا ئامادە نەبێت پێشنیازی ئاگربەستی ئەمریکا لەگەڵ هێزەکانی سووریای دیموکرات قەبووڵ نەکات و بە پێشنیازی مەزڵوم عەبدی فەرماندەی ئەو هێزە بۆ دروستکردنی ناوچەی لەچەک داماڵراو ڕازی نەبێت”.
پەیامی دوو سیناتۆرە ئەمریکیەکە لەکاتێکدایە رۆژی سێشەممە، مەزڵووم عەبدی، فەرماندەی گشتیی هێزەکانی سووریای دیموکرات رایگەیاند، جەخت لە پابەندبوونی جێگیریان بە ئاگربەستێکی گشتگیر لە سەرانسەری سووریا دەکەنەوە و رایدەگەیەنن کە ئامادەن پێشنیازی دامەزراندنی ناوچەیەکی لە چەک داماڵدراو لە شاری کۆبانێ پێشکەش بکەن.
ئاماژەی بەوەشکرد، “لەگەڵ دووبارە دابەشکردنەوەی هێزە ئەمنییەکانین لەژێر چاودێری و ئامادەبوونی ئەمریکییەکان و ئامانجی ئەم دەستپێشخەرییە بۆ چارەسەرکردنی نیگەرانییە ئەمنییەکانی تورکیا و دەستەبەرکردنی سەقامگیریی بەردەوامی ناوچەکەیە”.
Attacks from Turkish-backed forces on our Syrian Kurdish partners undermine regional security & efforts to prevent an ISIS resurgence. Turkey must accept a ceasefire & demilitarized zone or we’ll move forward with bipartisan sanctions legislation.
My statement with Sen. Graham: pic.twitter.com/TzOa1DrrAD
— Senator Chris Van Hollen (@ChrisVanHollen) December 17, 2024
