لە ئاکامی تەقینەوەیەکدا لە مۆسکۆ، فەرماندەیەکی باڵای سەربازیی ڕووسیا کوژرا.
ئەمڕۆ سێشەممە، ئاژانسی هەواڵی “تاس”ی ڕووسی بڵاویکردەوە، تەقینەوەیەک لە مۆسکۆی پایتەخت ڕوویدا و بە هۆیەوە دوو کەس کە یەکێکیان فەرماندەیەکی باڵای سەربازییە کوژراون.
میدیای ڕووسیا ڕایگەیاند، جەنەراڵ ئیگۆر کیریلۆڤ، فەرماندەی هێزی بەرگریی تیشکیی و کیمیاوی و بایۆلۆژی سوپای ڕووسیا لە نێو کوژراوەکاندایە.
چەناڵێکی نزیک لە دەزگا ئەمنییەکانی ڕووسیاش لە تەلەگرام بڵاویکردەوە جگە لە کیریلۆڤ، دوو کەسایەتی دیکەی سەربازیش کوژراون.
