وەزارەتی ناوخۆی فیدڕاڵ بڕیاریدا بە ڕاگرتنی كاروباری فەرمانگەكانی پاسپۆرت و ڕەگەزنامە و باری شارستانی “كارتی نیشتمانی” و كارتی زانیاری و مانەوە تا كۆتایی ئەمساڵ.
عەمید مقداد میری، وتەبێژی فەرمی وەزارەتی ناوخۆی عێراق ڕایگەیاند، هاوکات لەگەڵ ڕێکارەکانی جەردی ساڵانەی بەڕێوەبەرایەتی باری شارستانی و پاسپۆرت و ڕەگەزنامە و مانەوە، كاروبارەكان لەو بەڕێوەبەرایەتییانە لە سەرتاسەری عێراق ڕادەگیرێت.
ڕاشیگەیاندووە، ڕاگرتنی دەوامی ئەو بەڕێوەبەرایەتییەكان لە 29ی ئەم مانگە دەستپێدەكات تاوەكو 31ی 12ی 2024 و دەوام لە 2ی 1ی 2025 دەستپێدەكاتەوە.
جەختیشی كردۆتەوە، كاروبارە مرۆییەكان بەدەردەكرێن لەو ڕاگرتنە.
