فەرماندەی سوپای پاسدارانی ئێران ڕایدەگەیەنێت، ئەوەی لە سووریا ڕوویدا وانەیەکی تاڵ و قورسە و دەبێت لێوەی فێربین.
حوسێن سەلامی، فەرماندەی سوپای پاسدارانی ئێران ڕایگەیاند، بە شێوەیەکی ڕاستەوخۆ و دانەبڕاو بەرگریی لە ئاسایش و سەربەخۆیی و خاکی خۆمان دەکەین و ڕێگە بە کەس نادەین هەڕەشەمان لێ بکات.
ڕاشیگەیاندووە، “سووریا بە دەستی ڕۆڵە بەهێزەکانی ڕزگار دەکرێت و زایۆنیستەکانیش لەوێ دەنێژرێن، بەڵام ئەمە ماوەیەکی دەوێت”.
وتیشی، ” زلهێزە بیانییەکان لە سووریا بەدوای دابەشکردنیدا دەگەڕێن و هەریەکەیان هەوڵی داگیرکردنی بەشێک لە خاکەکەی دەدەن”.
ئاشكراشی كرد، ئەوەی لە سووریا ڕوویدا وانەیەکی تاڵ و قورسە و دەبێت لێوەی فێربین.
