بەڕێوەبەری پەروەردەی شارەزوور ڕایگەیاند دوو مووچەی وانەبێژان دابەش دەکرێت.
کارۆخ عەبدوڵا نوێنەری گشتی مامۆستایانی گرێبەست بە “تۆڕی میدیایی خەڵک”ی ڕاگەیاند، لە یەکشەممەوە، دەستدەکرێت بە دابەشکردنی شایستەی مانگی 7 و 8ـی مامۆستایانی گرێبەست، هەر پەروەردەیەک چاکی ئامادەیە دەتوانی سەردانی بانق بکات بۆ وەرگرتنی .
هاوکات نەبیل حەمەساڵح بەڕێوەبەری پەروەردەی شارەزوور ڕایگەیاند، سەرجەم بەڕێوەبەرەکان ئاگادار دەکەینەوە کە کاتژمێر 11ی پێشنیوەڕۆی (ئەمڕۆ) یەکشەممە سەردانی دیوانی بەڕێوەبەرێتیمان / ژمێریاری بکەن، بەمەبەستی وەگرتنی مووچەی وانەبێژان هەردوو مانگی (7 و 8 ) ئەمساڵ.
ئاماژەی بەوەشداوە، تەنها بەڕێوەبەر دەتوانێت سەردان بکات و مووچەی کەس بەکەس نادرێت.
بەبڕیاری سەرۆکی حکومەتی هەرێم وانەبێژان دوای زیاتر لە 10 ساڵ کران بە گرێبەست و بریاربوو مووچەی مانگی 9 وەک گرێبەست وەرگرن، و لەمەولا لەسەر داهاتی ناوخۆ مووچەکانیان پێبدرێت.
