کەشناسی هەرێمی کوردستان ڕایگەیاند، پلەی گەرما نزم دەبێتەوە و بەفر دەبارێت بە تایبەتیش لە سنووری هەردوو ئیدارەی سۆران و ڕاپەڕین و پاشان بەرەوە هەڵەبجە درێژدەبێتەوە.
بەڕێوەبەرایەتی گشتی کەشناسی و بوومەلەرزەزانی هەرێمی کوردستان ڕایگەیاند، ئەمڕۆ پێنجشەممە ئاسمان بەگشتی لە نێوان نیمچەهەور و هەوری تەواو دەبێت، لەکاتەکانی ئێوارە نمە باران و بەفر لە ناوچە شاخاوییە سنوورییەکانی باکوور دەبارێت.
ڕوونیشیکردەوە کە کاریگەری ئەو کەشە درێژ دەبێتەوە بۆ ناوچەکانی ئیدارەی سۆران و بەفر لە تەواوی ناوچە شاخاوییە سنوورییەکانی ئەم دەڤەرە دەبارێت و تا ڕۆژی هەینی بەردەوام دەبێت.
ئەوەشی خستەڕوو کە پلەی گەرما 2-4 پلە دادەبەزێت.
سەبارەت بە سبەینێ هەینیش کەشناسی ڕایگەیاند، نمە باران و بەفر لەناوچە شاخاوییەکان بەتایبەتی لەناوچەکانی ئیدارەی سەربەخۆکانی سۆران و ياپەرین دەبارێت و پاشان کاریگەری بە لاوازی درێژ دەبێتەوە بەرەوناوچەکانی ڕۆژهەڵاتی هەرێم و پارێزگای هەڵەبجە پاشان لەکاتەکانی ئێوارە کۆتایی بە دابارین دێت و کەش جێگیر دەبێتەوە.
لە ڕاگەیەندراوەکەی کەشناسیدا هاتووە کە سبەینێ پلەی گەرما 3-4 پلە و لە ناوچە شاخاوییەکانیش 4-7 پلە نزم دەبێتەوە.
بەرزترین پلەکانی گەرمای پێشبینیکراو بە پلەی سیلیزی :
هەولێر : 14 پلەى سیلیزى
سلێمانی : 7 پلەى سیلیزى
دهۆک : 11 پلەى سیلیزى
کەرکووک : 12 پلەى سیلیزى
هەڵەبجە : 11 پلەى سیلیزى
زاخۆ : 11 پلەى سیلیزى
حاجی ئۆمەران : -1 پلەى سیلیزى
سۆران : 8 پلەى سیلیزى
گەرمیان : 14 پلەى سیلیزى
