ئۆتۆمبێلێک لە کەلار وەرگەڕا، کە بەهۆیەوە دووکەس گیانیان لەدەستدا و 8 کەسی دیکەش برینداربوون، هاوكات بەهۆی ماتۆڕسكیلەوە دوو كەس بریندار بوون.
نەخۆشخانەی فریاكەوتنی شەهید هەژار لە كەلار بڵاویكردەوە، ئێوارەی ئەمڕۆ لە ڕووداوی سەختی هاتووچۆدا 10 كەس بریندار بوون و دەستیان بە چارەسەریان كردووە.
لای خۆیەوە، ڕزگار لەتیف، بەڕێوەبەری نەخۆشخانەی شەهید ھەژار لە کەلار وتویەتی، “ئەمڕۆ نزیکی کاتژمێر 5ی ئێوارە ئۆتۆمبێلێکی جۆری تۆیۆتا کۆرۆلا لە گەڕەکی بەردەسووری کەلار، وەرگەڕا و بەهۆیەوە دوو کەس گیانیان لەدەستداوە و 8 کەسی دیکەش بریندارن، كە دۆخی هەندێكیان خراپە.”
ئاشكراشی كردووە، “هەر ئێوارەی ئەمڕۆ دوو گەنجیش گەیەندرانە نەخۆشخانە، کە بە ماتۆڕسکیل تووشی ڕووداوی هاتووچۆ ببوون، هەردووکیان دۆخی تەندروستیان ناجێگیرە و لەژێر چاودێریی چڕی پزیشکییدان.”
