بەهۆی ڕووداوێکی هاتوچۆوە لە گەڕەکی کوردسات، کەسێک گیانی لە دەستدا و یەکێکی دیکەش برینداربوو.
هاتوچۆی سلێمانی بڵاویکردەوە: سەر لەبەیانی ئەمڕۆ دووشەممە ڕووداوێکی هاتووچۆ لەنێوان دوو ئۆتۆمبێل لە جۆرەکانی تۆیۆتا کۆرۆلا تاکسی و ڤۆلکس ڤاگن تایبەت لە گەڕەکی کوردسات روویدا.
دەشڵێت: “بەداخەوە لەم ڕووداوەدا شۆفێری ئۆتۆمبێلی جۆری تاکسی دەستبەجێ لە شوێنی رووداوەکە گیانی لەدەستدا و شۆفێری ئۆتۆمبێلە تایبەتەکەش بریندارەو ئێستا لە نەخۆشخانەیە.
باسی لەوەشکردووە: هۆکاری رووداوەکە دەگەڕێتەوە بۆ تێپەڕاندنی هەڵە لەلایەن یەکێک لە ئۆتۆمبێلەکان.
