بەهۆی دواکەوتنی مووچەکانیان، کارمەندان و فەرمانبەرانی بەڕێوەبەرایەتی ئاوی سلێمانی بایکۆتی دەوامیان ڕاگەیاند.
ئەمڕۆ یەکشەممە لە دەستێکی دەوامی هەفتەدا، هەریەکە لە کارمەندانی بەڕێوەبەرایەتی هاتوچۆی سلێمانی و کارمەندانی بەڕێوەبەرایەتی ئاوی سلێمانی بایکۆتی دەوامیان کرد.
ئەمە لەکاتێکدایە زیاتر لە دوو مانگە مووچەی فەرمانبەران و مووچەخۆرانی هەرێمی کوردستان دابەش نەکراوە و وێڕای هاتنی 761 ملیار دینار لە بەغدادەوە وەک مووچەی مانگی 10، بەڵام بەنیانووی کورتهێنان حکومەتی هەرێم دابەشی نەکردووە.
