ئەنجوومەنی سەربازی منبج هەواڵی گرتنی گوندی تەل ئەسوەد بەدرۆدەخاتەوە و دەڵێت” گرووپێک لە چەکدار ویستیان دزە بکەن و شکستیان پێ هێنرا”.
لە ڕاگەیەدراوێکدا، ئەنجوومەنی سەربازی منبج ئاماژەی بەوەدا، گووپە چەکدارەکانی سەر بە تورکیا هەواڵێکی ناڕاستیان لەبارەی منبج بڵاوکردۆتەوە و گوایە توانیویانە چەند ناوچەیەک بگرن، وەک ئەنجوومەن سەر لەبەری ئەو هەواڵە ڕەتدەکەینەوە کە تورکیا بلاویکردۆتەوە و ئەو هێرشە تێکشکێنراوە.
ناوەندی ڕاگەیاندن و چاپەمەنی ئەنجوومەنی سەربازی منبج، ئەوەشی خستۆتەڕوو، کاتژمێر 2ـی بەرەبەیان گرووپێکی چەکداری کە لەلایەن تورکیاوە پشتیوانیان لێ دەکرێت چونەتە ناو گوندی تەل ئەسوەدی باشووری کانتۆنی منبج، و شەڕڤانانی ئەنجوومەنی سەربازی منبج ڕووبەڕویان بوونەتەوە و شەر ڕوویداوە، پەلامارەکە تێکشکێندراوە و چەتەکان هەڵاتوون.
ئەمە لەکاتێکدایە لەماوەی 24 کاتژـیری ڕابردوودا گۆڕانکارییەکی گەورە لە سووریا ڕوویدا و هێزەکانی هەسەدە توانییان نزیکەی 40 لە سەدی خاکی سووریا بگرنە دەست و ڕووبەڕووی گرووپە چەکدارەکان ببنەوە، هاوکات گرووپە چەکدارەکان و دەستەی تەحریر شام لەپێشڕەویدان بەرەو دیمەشق و هێزەکانی سەر بە ئەسەد لە دەوروبەری دیمەشق بەرەو سەنتەری دیمەشق پاشەکشێیان کرد، و لەمیدیاکان وا بڵاوبۆتەوە دەسەڵاتی ئەسەد تەنها چەند کاتژمێرێکی ماوە و کۆتایی پێدێت.
