هۆرڤان ڕەفعەت – ڕۆژنامەنووس
ڕوسیا باڵیۆزخانەکەی لە دیمەشق دەکشێنێتەوە، حەشدی شەعبی عێراقی بەرەو سنوورەکانی عێراق دەستیان بە کشانەوە کردووە.
حزبوڵای لوبنانی, زۆرینەی هێزەکانی بردووەتەوە سنووری لوبنان، سنوورەکانی ئوردن و عێراق لە دەست سوپای ئەسەددا نەماون.
دۆستەکانی بەشار ئەسەد، هەموویان بەرامبەر پێدراوی دیکە و لە ترسی هەڕەشەی بە ئامانجگیرانی کەسایەتییەکانی و بەرژەوەندییە گەورەکانیان یەک لەدوای یەک لە سووریا دەکشێنەوە و دیمەشق چۆڵ دەکەن.
سووریا بۆ ئێران بووەتە قەڵغانی بەرگری و قۆچی قوربانی، بەڵام قوربانییەک، کە پێشتر دەمارەکانی خۆی بە خوێنی خەڵکی خۆی گۆش کردبوو، ئەمەی ڕوودەدات دەرئەنجامی حەوتی ئۆکتۆبەرە.
سەرکردەکانی حەماسی هەڵخەڵەتێنراو، سەرکردەکانی حبزوڵای لوبنانی، ئەسەد و بەشێکی گەورە لە سەرکردەکانی پڕۆژەی هیلالی شیعی بۆ هەمیشە لەناوبران.
تا ئێستاش پێتان وایە دەزگای هەواڵگری ئیسرائیل و ئەمریکا ئاگاداری جووڵەی پێنج هەزار گەنجی فەڵەستینی غەززە نەبوون؟ کە ماوەی ساڵێکی ڕەبەق خۆیان ئامادەکردبوو بۆ هێرشکردنە سەر ئیسرائیل!
عەمامە سپییەکەی عێراق و ژمارەیەک هاوەڵی دیکەی لە بەرەکەی بەم زووانە بە دیداری براکانیان شاد دەبن.
