لە شارۆچکەی تاتوان سەر بە پارێزگاتی بەدلیس، 23 ئۆتۆمبێل پێکیان دادا و بە پێی زانیارییە بەراییەکان 31 کەس بریندار بوون.
بە هۆی بوونی تەمێکی چڕ و سەهۆڵبەندان، زنجیرە ڕووداوێکی هاتوچۆ لە سەر ڕێگەی نێوان بەدلیس بۆ تاتوان ڕووی دا.
دوای ئاگادارکردنەوەیان، تیمەکانی جەندەرمە، پۆلیس، ئافاد و فریاکەوتن گەیشتنە ناوچەکە.
لە ڕووداوەکەدا 23 ئۆتۆمبێل پێکیان دادابوو و بە پێی زانیارییە بەراییەکان 31 کەس بریندار بوون.
بریندارەکان بە ئۆتۆمبێلەکانی فریاکەوتن بۆ نەخۆشخانەی تاتوان ڕاگواستران و ئۆتۆمبێلەکانیش لەسەر ڕێگەکە هەڵگیران و ڕێگەی هاتۆچۆ کرایەوە.
