بوومەلەرزەیەکی بەهێز لە باشووری ڕۆژئاوای ئێران ڕوویدا و دانیشتووانی ناوچە سنوورییەکانی عێراقیش هەستیان پێکرد.
میدیای ئێران بڵاویکردەوە کاتژمێر 7:32 خولەکی بەیانی ئەمڕۆ پێنجشەممە، بوومەلەرزەیەک بە گوڕی 5.6 پلە بە پێوەری ڕێختەر لە ناوچەی حەوتگوڵی سەر بە پارێزگەی خوزستان ڕوویدا.
ڕوونیشیکردەوە کە بوومەلەرزەکە لە قووڵایی 10 کیلۆمەتر لە ئاستی ڕووی زەوی ڕوویداوە.
لایخۆشیەوە وەزارەتی گواستنەوەی عێراق بڵاویکردەوە، بوومەلەرزەکە بە گوڕی 5.5 پلەی ڕێختەر بووە و دانیشتووانی ناوچە سنوورییەکانی عێراق لەگەڵ ئێران هەستیان پێکردووە.
