هێزەکانی سووریای دیموکرات “هەسەدە”، حەوت گوندیان لە سنووری دێرەزوور کۆنترۆڵکرد.
هێزەکانی سووریای دیموکرات “هەسەدە” ڕایگەیاند، “هێزەکانمان چوونەتە چەند گوندێک کە کەوتوونەتە ناوچەی بۆشایی ئەمنی لە دێرەزوور، کە هیچ هێزێکی سەربازی و ئەمنیان لێ نەبووە”.
هێزەکانی سووریای دیموکرات دەڵێن، “بەهۆی ئەو دۆخەی لە سووریا هاتووەتەپێش، مەترسیی هەبووە، داعش و هێزە بەکرێگیراوەکان دەست بەسەر ئەو گوند و ناوچانەدا بگرن، لەسەر داوای دانیشتووانی گوندەکان هێزمان بردووەتە ئەو گوند و ناوچانە “.
ئەو گوندانەی هەسەدە کۆنتڕۆڵی کردوون، بریتین لە ساڵحیە، تابیە، حەتڵە، خەشبە، مڕاد، مەزلووم، حوسەینەی پارێزگای دێرەزوور.
