پەرلەمانتارێكی پێشووی یەكێتی لە پەرلەمانی كوردستان ڕایدەگەیەنێت، حکومەتی عێراق کە دوژمنە هەست بەوەزعی خراپی موچەخۆرانی هەرێم دەکات و دەشڵێت: کەچی حکومەتی هەرێم دەڵێت ئێمە ئەوەی کۆمانکردۆتەوە نایدەین و قەیناکە بامووچە دابەش نەکرێت.
دلێر مسته‌فا، ئه‌ندامی خولی چواره‌می په‌رله‌مانی كوردستان لە هەژماری خۆی لە فەیسبووك نووسیویەتی، “ڕاستە هەڵبژاردن شەرعیەت دەداتەوە هەندێ دام و دەزگا، بەڵام متمانە ناگەڕێتەوە”.
دەشڵێت: سەیرکەن حکومەتی عێراق کە دوژمنە هەست بەوەزعی خراپی مووچەخۆرانی هەرێم دەکات دەڵێت، دەبێ هەر سێ مووچەکە خه‌رجبکرێت ئەو پارەیەی لای ئێمەیە دەینێرین بەمەرجێک ئەو داهاتە ناوخۆییەی کۆتانکردۆتەوە بیخەنەسەری و دابەشی بکەن.
ئاماژەی بەوەشكردووە، “کەچی حکومەتی هەرێم دەڵێت ئێمە ئەوەی کۆمانکردۆتەوە نایدەین و قەیناکە بامووچە دابەش نەکرێت ـ چش لەفەرمانبەران سێ موچەیان دەفەوتێ “.
جەختیشی كردۆتەوە، “هەر میللەتێک بەنەدان و فەوتانی سێ مووچەکەی ڕازی بێت ئەوە میللەتێکی ترسنۆک و مردوە”.
