لە یەکەم ڕۆژی کردنەوەی بازاڕەکانی جیهاندا نرخی زێڕ دابەزی و نەوتیش گۆڕانکاریی بەسەردا هات.
ئەمڕۆ دووشەممە، لەگەڵ کردنەوەی بازاڕەکانی جیهاندا نرخی ئۆنسەیەک زێڕ لە دوو هەزار و 653 دۆلارەوە بۆ دوو هەزار و 621 دۆلار دابەزی.
لە لایەکی دیکەشەوە نرخی نەوت بە هۆی بەردەوامبوونی شەڕ و گرژییەکانی ڕۆژهەڵاتی ناوەڕاستەوە بە ناجێگیری ماوەتەوە و نرخی بەرمیلێک نەوتی خاوی برێنت بە 72 دۆلار و 28 سەنتەوە مامەڵەی پێوە دەکرێت.
هەر ئەمڕۆ نرخی بەرمیلێک نەوتی خاوی ئەمریکیش بوو بە 68 دۆلار و 42 سەنت.
