پەڕلەمانتارێکی عێراق دەڵێت؛ هەوڵەکان سەبارەت بە كردنەوەی لقی ( بانكی ڕەشید و بانكی ڕافیدەین) لە هەرێم گەیشتە ئەنجام”.
غەریب ئەحمەد، پەڕلەمانتاری عێراق لەسەر فراکسیۆنی یەکێتی، لە پەڕەی فەرمی خۆی لە تۆڕی کۆمەڵایەتی فەیسبووک بڵاویکردەوە،”هەوڵەکان سەبارەت بەكردنەوەی لقی (بانكی ڕەشید و ڕافیدەین) لە هەرێم گەیشتە ئەنجام”.
ئەو پەرلەمانتارە ئاماژەی بەوەداوە، لەماوەی ڕابردوودا بە نوسراوی فەرمی داوای کردنەوەی لقی هەردوو بانکی ڕەشید و ڕافیدەین کرابوو، دوابەدوای ئەوە بەنوسراوی (١٥٧٩) لە بەرواری (٢٠٢٤/١٠/٣١) وەڵامی نوسراومان درایەوە و ڕەزامەندبوون بەكردنەوەی لقی (بانكی ڕەشید) لە سلێمانی.
غەریب ئەحمەد ڕایگەیاند، پرسی (تەوتین) هیچ كێشەیەكی لەبەردەمدا نامێنێت و ئەوان ڕێكارە پێویستەكانی جێگیربوونیان لەگەڵ حكومەتی خۆجێی سلێمانی جێبەجێ دەكەن و هاووڵاتیان زۆر بەباشی سودمەند دەبن.
