وەزارەتی دارایی عێراق بڕیاریدا بڕی 761 ملیار دینار بۆ مووچەی فەرمانبەرانی هەرێمی کوردستان ڕەوانە بکات.
بەپێی میدیای نزیک لە پارتی وەزارەتی دارایی عێراق بووسراوی خەرجکردنی پارەی مووچەی فەرمانبەرانی هەرێمی کوردستانی دەرکردووە و بەمەش حکومەتی عێراق بڕی 761 ملیار دینار وەک مووچەی مانگی ١٠ بۆ هەرێم دەنێرێت.
ئاماژە بەوەشدراوە، ڕۆژی یەک شەممە 1/12/2024 وەزارەتی دارایی هەرێم دەتوانێت لە لقی هەولێری بانکی ناوەندی عێراق ئەو بڕە پارەیە وەربگرێت.
هاوکات هەربەپێی میدیاکە، بەغدا لە قۆناغی کۆتایی وردبینی لیستی مووچەی مانگی ١١ دایە و دوای تەواوبوونی و نەبوونی گرفت بڕی 763 ملیار دینار وەک پشکی هەرێم لە مووچە خەرجدەکات و دەبێت هەرێم خۆی کورتهێنانەکەی پر بکاتەوە.
