بەڕێوەبەرایەتی گشتی کارەبای سلێمانی نرخی کیلۆ واتێک کارەبای موەلیدەی سیتییەکانی ڕاگەیاند.
لە بڵاوکراوەیەکدا بەڕێوەبەرایەتی گشتی کارەبای سلێمانی ئاماژەی بەوەداوە، لیژنەی باڵای دیاریکردنی نرخی کارەباى کۆمەڵگاکانى نیشتەجێبوون (ستییەکان) ئەمڕۆ کۆبوونەوەیەکی سازکرد و تیایدا نرخی کیلۆواتی کارەبای موەلیدەی بۆ مانگی تشرینی دووەم (11) دیاریکرد، کە بریتییە لە (260) دینار بۆ هەر کیلۆواتێک.
کارەبای سلێمانی ئەوەشی ڕوونکردۆتەوە، بەگوێرەی نرخی گازوایل لە بازاڕ و ئەو توێژینەوەیەی بۆ خەرجی موەلیدەی_ستییەکان ئامادەکراوە، نرخی کیلۆوات ئاوەڕێک کارەباى موەلیدەى ستییەکان بۆ مانگی 11 بریتییە لە (260) دینار.
جێی ئاماژەیە، بۆ مانگى 9 نرخى کیلۆواتێک کارەباى موەلیدەى ستییەکان (253) دینار بوو.
