ئەمڕۆ سێشەممە وەزارەتى خوێندنى باڵا و توێژینەوەی زانستیی لە ڕاگەیەندراوێکدا ئاشکرای کرد، لە ئەنجامى پڕکردنەوەى کورسىی بەتاڵ 698 خوێندکارى دیکە لە زانکۆکان وەرگیران.
وەزارەتەکە باسی لەوەشکرد: دواى ئەوەى وەزارەتى خوێندنى باڵا له پێناو ڕەخساندنى دەرفەتی زیاتر بۆ دەرچووانى قۆناغى 12 ئامادەیى ئەوانەى ناویان لەهیچ شوێنێک نەهاتبووەوە، دەرگاى پێشکەشکردنى کردەوە، لەئەنجامدا 698 قوتابى/ خوێندکارى دیکە بەشێوازى (زانکۆلاین، پارالێل، ئێواران) ناویان لە زانکۆ و پەیمانگەکان بەپێى کۆنمرەکانیان بۆ ساڵى خوێندنى 2024-2025 گەڕایەوە.
