نرخی نەوتی خاو و برێنت و زێڕ جارێکی دیکە دابەزینی بەرچاویان بەخۆیانەوە بینی و یەک بەرمیل نەوتی برێنت بۆ خوار 73 دۆلار نزم بوەوە.
ئه‌مڕۆ سێشەممە، لە کاتی کردنەوەی بازاڕەکانی جیهان نرخی یەك بەرمیل نەوتی خاوی برێنت بە 72 دۆلار و 62 سه‌نت مامەڵەی پێوەدەكرێت، له‌كاتێكدا دوێنێ به 74 دۆلار بوو.
هاوکات نرخی یەك بەرمیل نەوتی خاوی ئەمریكا بە 69 دۆلار و 16 سه‌نت ده‌فرۆشرێت، له‌كاتێكدا دوێنێ له سه‌رو 70 دۆلاره‌وه بوو.
هه‌رچی نرخی زێڕیشه به‌رده‌وامه له نزمبوونەوه یەک ئۆنسەی به دوو هه‌زار و 624 دۆلاره، له‌كاتێكدا دوێنێ بە دوو هەزار و 661 دۆلار.
مانگى ئایارى ئه‌مساڵ نرخى نه‌وت به‌رزبوونه‌وه‌ى تۆماركرد و گه‌یشته سه‌رو 86 دۆلار به‌ڵام جارێكى تر دابه‌زییه‌وه.
