لەگەڵ کردنەوەی بازاڕەکانی جیهان نرخی نەوتی برێنت دابەزینی بەخۆیەوە بینی و یەک بەرمیل نەوتی برێنت بۆ خوار 75 دۆلار نزم بوەوە.
ئه‌مڕۆ دووشەممە، لە کاتی کردنەوەی بازاڕەکانی جیهان نرخی یەك بەرمیل نەوتی خاوی برێنت بە 74 دۆلار و دوو سه‌نت مامەڵەی پێوەدەكرێت.
هاوکات نرخی یەك بەرمیل نەوتی خاوی ئەمریكا بە 70 دۆلار و 62 سه‌نت مامەڵەی پێوەدەكرێت.
هاوکات نرخی زێڕیش نزمبوونەوەی بەخۆیەوە بینی و بۆ ئەمڕۆ یەک ئۆنسەی بوو بە دوو هەزار و 661 دۆلار.
مانگى ئایارى ئه‌مساڵ نرخى نه‌وت به‌رزبوونه‌وه‌ى تۆماركرد و گه‌یشته سه‌رو 86 دۆلار به‌ڵام جارێكى تر دابه‌زییه‌وه.
