ئەمڕۆ بەهۆی پشووی بازاڕە جیهانییەکان نرخی یەک بەرمیل نەوتی خاوی برێنت لە سەرو 75 دۆلارە مامەڵەی پێوەدەکرێت و نرخەکەی بە جێگیری ماوەتەوە.
ئەمڕۆ یەکشەممە، نرخی بەرمیلێک نەوتی برێنت بە 75 دۆلار و 17 سەنت مامەڵەی پێوەدەکرێت.
هاوکات نرخی یەک بەرمیل نەوتی خاوی ئەمریکا بە 70 دۆلار و 70 سەنت مامەڵەی پێوەدەکرێت.
ئەوەش لە کاتێکدایە، بەهۆی ئاڵۆزبوونی جەنگی رووسیا- ئۆکرایناوە نرخی نەوت بەشێوەیەکی بەرچاو بەرز بووەتەوە و لە ماوەی یەک هەفتەدا 4٪ـی نرخەکەی زیادی کردووە.
هاوکات هەر ئەمڕۆ یەک ئۆنسە زێڕ لە بازاڕەکانی جیهان بە دوو هەزار و 712 دۆلارە، هەروەک ئۆنسەیەک زیویش بە 31 دۆلار و 40 سەنتە.
