بارانبارین دەستپێدەکاتەوە

کەشناسی هەرێم ڕایگەیاند، لە سبەی شەوەوە بارانبارین دەستپێدەکاتەوە و هەموو ناوچەکانی هەرێمی کوردستان دەگرێتەوە.

بەڕێوەبەرایەتی گشتی کەشناسی هەرێم لە بڵاوکراوەیەکدا ئاشکرای کرد: ئەمڕۆ شەممە ئاسمان ساماڵ و پەڵە هەور دەبێت، پلەکانی گەرما بەرز دەبیتەوە بە یەک بۆ دوو پلەى سیلیزى بەراورد بە تۆمارەکانی دوێنێ.

کەشناسی هەرێم باسی لەوەشکردووە: سبەینێ یەکشەممە ئاسمان ساماڵ و پەڵە هەور دەبێت، لەکاتەکانى شەودا دەگۆڕێت بۆ نیمچە هەور و هەورى تەواو سەرەتا بە نمە باران دەست پێ دەکات لە ناوچەکانى رۆژئاواى هەرێم لە درەنگانى شەودا هەموو ناوچەکانى هەرێمى کوردستان دەگرێتەوە.

دەشڵێت: پلەکانی گەرما نزیک دەبێتەوە بە بەراورد بە پلەکانى ئەمڕۆ.

بەرزترین پلەکانی گەرمای پێشبینیکراو بە پلەی سیلیزی:

هەولێر: 22

سلێمانی: 19

دهۆک: 21

زاخۆ : 21

هەڵەبجە: 20

کەرکوک: 21

سۆران: 18

حاجی ئۆمەران: 10

گەرمیان: 24