ئەمڕۆ هەینی عەلی رەئوف،نوێنەری گشتیی مامۆستایانی گرێبەست ڕایگەیاند، بەشێک لەو وانەبێژانەی لە ماوەی رابردوودا دوورخرابوونەوە دەکرێنە گرێبەست.
عەلی رەئوف وتیشی، نزیکەی دوو هەزار مامۆستای وانەبێژ کە بوونەتە گرێبەست لە هەمان کاتدا ناویان هاتووتەوە لە وەزارەت، ئەو وانەبێژانەشی بەهۆکاری جیاجیا لادراون لە شوێنیان دادەنرێن.
لە ماوەکانی رابردوودا چەندین جار ئەو مامۆستا وانەبێژانەی بە هۆکاری جیاواز لە کارکردن دوورخرابوونەوە و لە مافی بەگرێبەستبوون بێبەش ببوون گردبوونەوە و خۆپیشاندانی ناڕەزایەتییان ئەنجامدا و داوای دامەزراندنیان بە شێوەی گرێبەست دەکرد.
