نرخی زێڕ بەشێوەیەكی بەرچاو بەرزبووەوە

لەگەڵ سەرهەڵدان و تووندبوونەوەی مەترسییەكانی شەڕی ئۆكراینا، نرخی زێڕ جارێكی دیكە بەرزبووەوە و زیاتر لە 100 دۆلار چۆتە سەر بەهاكەی.

لە ڕۆژانی هەڵبژاردنی تۆەمپ بە سەرۆكی ئەمریكا و بەڵێنەكانی بۆ كاتایی هێنانی جەنگ، نرخی زێڕ دابەزی و ئۆنسەیەك بوو بە 2 هەزار و 430 دۆلار، بەڵام لە ئێستادا دووبارە بەرزبۆتەوە.

دانا وەرتی، خاوەنی زێڕنگەری ئازوورا بۆ (خەڵك) وتی، نرخی ئۆنسەیەك زێڕ بەرزبۆتەوە بۆ 2 هەزار و 688 دۆلار و بەوەش نرخی یەك مسقاڵی عەیار 21 بووە بە 576 هەزار دینار.

ڕاشیگەیاند، نرخی یەك مسقاڵی عەیار 24 بووە بە 656 هەزار دینار و عەیاری 18 بووە بە 492 هەزار دینار.