قوباد تاڵەبانی لەگەڵ فراكسیۆنی حزبەكەی لە ئەنجوومەنی پارێزگای كەركوك كۆبووەوە و پێی وتن، ” لەسەر رێبازی مام جەلال، بە هەموو تواناوە و بەبێ هیچ جیاوازییەک خزمەتی کەرکوک بکەن”.
قوباد تاڵەبانی دوای گەڕانەوەی بۆ شاری كەركوك بۆ خۆتۆماركردنی لەچوارچێوەی پڕۆسەی سەرژمێری دانیشتووان لەگەڵ ئەندامانی فراکسیۆنەکانی یەکێتی و بابلیون لە ئەنجوومەنی پارێزگای کەرکوک كۆبووەوە.
قوباد تاڵەبانی دەڵێت: “داوام لێکردن لەسەر ڕێبازی مام جەلال، بە هەموو تواناوە و بەبێ هیچ جیاوازییەک خزمەتی کەرکوک بکەن. دەبێت فراکسیۆنەکانی یەکێتی و بابلیون زیاتر و باشتر لە فراکسیۆنەکانی تر چاودێربن بەسەر کارەکانی ئیدارەی نوێی کەرکوکەوە”.
جەختیشی کردەوە، کە دەبێت بە شێوەیەک خزمەتی خەڵکی کەرکوک بکەن، ڕۆژ لە دوای ڕۆژ زیاتر ئاستی هیوا و متمانەی کەرکوکییەکان بە هەموو پێکهاتەکانییەوە بە پارێزگار و فراکسیۆنەکانی یەکێتی و بابلیون بەرزتر ببێتەوە.
