سەرۆک وەزیرانی عێڕاق بڕیاریدا بە خەرجکردنی کرێی کاری ئەو کەسانەی بەشێوەی ڕۆژانە کاردەکەن لە ڕۆژانی سەرژمێری و قەدەغەی هاتووچۆدا.
لە بڵاوکراوەیەکدا، نووسینگەی سەرۆکوەزیرانی عێڕاق بڵاویکردەوە، محەمەد شیاع سودانی سەرۆکوەزیرانی عێڕاق بڕیاریداوە بەپێدانی کرێی ئەو کەسانەی کەبەشێوەی ڕۆژانە کاردەکەن.
بەپێی بڵاوکراوەکە، لە هەردوو ڕۆژانی سەرژمێری و قەدەغەی هاتووچۆ و سەڕەرای پشوو، سودانی بڕیاریداوە کرێی ئەم دوو ڕۆژەی ئەو کەسانە خەرجبکرێت کە بەشێوەی ڕۆژانە لەدام و دەزگاکانی دەوڵەت کاردەکەن، و پارەکەیان پێبدرێت.
جێێ باسە بەهۆی سەرژمێری گشتی لە عێراق بۆ ماوەی دوو ڕۆژ لە سەرتاسەری عێراق بەهەرێمی کوردستانیشەوە پشوو و قەدەغەی هاتووچۆ راگەیەندرا، بۆئەوەی پرۆسەکە بەشێوەیەکی سەرکەوتوو بەڕێوەبچێت.
