لەگەڵ کردنەوەی بازاڕەکانی ئاسیا، نرخی نەوتی خاو و برێنت جارێکی دیکە ڕووی لە بەرزبوونەوە کرد.
ئەمڕۆ دووشەممە یەک بەرمیل نەوتی خاوی برێنت بە 71 دۆلار و نۆ سەنت مامەڵەی پێوەکرا. هاوکات نرخی نەوتی سووکی خاوی ئەمریکاش بە 66 دۆلار و 93 سەنت مامەڵەی پێوەکرا.
بەپێی شرۆڤەکاران، هۆکاری بەرزبوونەوەی نرخی نەوت بۆ توندبوونەوەی شەڕ لە نێوان ئۆکراینا و رووسیا دەگەڕێتەوە.
لە هەنگاوێکی چاوەڕواننەکراودا، ئیدارەی بایدن رێگەی بە ئۆکراینا داوە کە بە چەکی دروستکراوی ئەمریکی هێرش بکاتە ناو قووڵایی خاکی رووسیا.
ئەم کارەی ئەمریکا کاردانەوەی تووندی کۆشکی کرێملنی بەدواوە هات و رووسیا هۆشداری تووندی داوە کە بەردەوامیی بەکارهێنانی چەکی ئەمریکی لەلایەن ئۆکرایناوە، شەڕی جیهانی سێیەمی لێدەکەوێتەوە.
