لە رێگەی کەسنەزان لە دوو سایدی هەززە لە شاری هەولێر پاسێك وەرگەڕا و بەهۆیەوە كەسێك گیانی لەدەستدا و چەند كەسێكی دیكە بریندارن.
ئێوارەی ئەمڕۆ لە شاری هەولێر پاسێك بە چەند سەرنشینێكەوە وەرگەڕاوە و خۆی كێشاوە بە دوو ئۆتۆمبێلی دیكەدا (تاکسیەک و ئۆتۆمبێلێکی بارهەڵگر) و بەهۆیەوە كەسێك گیانی لەدەستداوە، كە هاووڵاتییەكی بەڕەگەز عەرەبە.
هەر بەپێی زانیارییەكان، لە ڕووداوەكەدا چوار هاووڵاتی دیكە بریندار بوون و ڕەوانەی نەخۆشخانە كراون.
بەهۆی ڕووداوەكەوە شەقامەكە داخراوە و هێزەكانی پۆلیس چوونەتە شوێنی ڕووداوەكە و ئەو ئۆتۆمبێلانەی زیانیان پێ گەیشتووە لابراون و ڕێگاكە كراوەتەوە.
