دەسەڵاتی گومرگی هەوڵێکی بەقاچاخ بردنی چەندین پارچە زێڕی لە فڕۆکەخانەی بەغدای نێودەوڵتی ڕاگەیاند و دەڵێت”بەنیازبوون بیبەنە دەرەوەی عێراق”.
ئەمرۆ یەك شەممە 17ـی تشرینی دووەم، دەسەڵاتی گشتیی گومرگی عێراق ڕایگەیاند، لە فڕۆکەخانەی نێودەوڵەتیی بەغداد دەست بەسەر 13 قاڵب زێڕ بە کێش و قەبارەی جیاوازدا بگرن، کە کێشی هەموویان بەگشتی 13 کیلۆ و 700 گرام بووەکە دەویسترا بە قاچاخ ببرێنە دەرەوەی عێراق.
لەبەیاننامەکەدا ئەوەشخراوەتەڕوو، ستافی دەستەی گشتیی گومرگی عێراق لە فڕۆکەخانەی نێودەوڵەتیی بەغداد توانیویانە هەوڵی بەقاچاخبردنی 13 پارچە زێڕ بە کێشی 13 کیلۆ و 700 گرام شکست پێبهێنن، کە ویستویانە بە نهێنی و لەڕێگەی فڕۆکەخانەی نێودەوڵەتیی بەغدادەوە بیبەنە دەرەوەی عێراق.
ئەوەش خراوەتەڕوو، ئۆپەراسیۆنەکە بە هاوکاریی بەڕێوەبەرایەتیی پاراستنی ئاسایشی فڕۆکەخانە و پاڵپشتیی پۆلیسی گومرگ ئەنجامدراوە.
