نێچیرڤان بارزانی، سەرۆکی هەرێمی کوردستان ڕایگەیاند، دەبێت هێزی پێشمەرگە دەبێت سەر بە نیشتمان بن و دووربن لە دەستوەردانی حزبی.
نێچیربارزانی، لە ڕێوڕەسمی خولی چوارەمی پێگەیاندنی ئەفسەرانی کۆلێژی سەربازیی قەڵاچواڵان کە ئەمڕۆ شەممە بەڕێوەچوو، وتارێکی پێشکەش کرد و ڕایگەیاند، ئەمڕۆ 769 گەنجی وڵاتەکەمان بە زاست و زانیاری سەربازییەوە دەبنە خزمەتکاری نیشتمان.
باسی لەوەشکرد: جێگەی شانازییە 48 ئەفسەری ئەمڕۆ ژنن، ئەمەش ىڕوابوونمان بە تواناکانی ژنان دەردەخات.
سەرۆکی هەرێمی کوردستان وتیشی: دەبێت هێزی پێشمەرگە دەبێت سەر بە نیشتمان بن و دووربن لە دەستوەردانی حزبی.
لە بارەی پێکهێنانی حکومەتیشەوە وتی: “داوا لە لایەنە سیاسییەکانی هەرێمی کوردستان دەکەم بەرژەوەندیی باڵای نیشتمان لە سەروو هەمووشتێکەوە دابنێن”.
وتیشی: “گفتوگۆیەکی جیدی و بەرپرسیارانە و بۆ پێکهێنانی حکومەتێکی کارا و بنیادنەر دەست پێبکەن”.
باسی لەوەشکرد: حکومەتێک پێکبهێندرێت وەڵامدەرەوەی داخوازییەکانی خەڵک بێت، بتوانێت بەرەنگاری ئاڵنگارییەکانی ئێستا و داهاتوو ببێتەوە.
