کەسێک دوای کوشتنی دوو خوشک لە سلێمانی هەڵات و هێزە ئەمنییەکان لە هەوڵی دەستگیرکردنیدان.
ئەمڕۆ پێنجشەممە، سەرچاوەیەکی ئەمنی بە “تۆڕی میدیایی خەڵک”ی راگەیاند، بەیانی ئەمڕۆ برایەک لە گەڕەکی بەکرەجۆی شاری سلێمانی دوو خوشکی خۆی کوشت و بۆ جێگەیەکی نادیار هەڵات.
بەپێی لێدوانی ئەو سەرچاوە ئەمنییە، یەکێک لە کچەکان لە دایکبووی 2002ە و ئەوی دیکەیان 2005.
سەرچاوە ئاگادارەکەی پۆلیسی سلێمانی ئەوەشی خستەڕوو، تیمەکانیان گەیشتوونەتە شوێنی ڕووداوەکە و تەرمەکان بۆ پزیشکی داد گوازراونەتەوە و گەڕان بەدوای دەستگیرکردنی تۆمەتبارەکە دەستیپێکردووە.
