سه‌رۆك وه‌زیرانی عێراق لە كۆبوونەوەی له‌گه‌ڵ سه‌رۆكی پارتی دیموكراتی كوردستان ڕایدەگەیەنێت، كابینه‌كه‌ی ڕێگایەکی دووری بڕیوە لە دروستکردنی متمانە لەگەڵ حکومەتی هەرێم و چارەسەرکردنی زۆرێک لە کێشەکان.
نووسینگه‌ی سه‌رۆك وه‌زیرانی عێراق بڵاویكردەوە، محه‌مه‌د شیاع سودانی ئه‌مڕۆ چوار شه‌ممه له سه‌ڵاحه‌دین سه‌ردانی مه‌سعود بارزانی كردوه و ڕایگەیاند، “سەركەوتنی هەڵبژاردنەكەی هەرێم ڕەنگدانەوەی ئەرێنی هه‌یه لەسەر هەموو بەشەکانی عێراق”، هاوكات ئاماژەی بە گرنگی خێراکردنی پێکهێنانی حکومەت و پاراستنی سیاسی کرد سەقامگیری لە ناوچەکەدا، کە پاڵپشتی سەقامگیری گشتی پڕۆسەی سیاسی عێراق دەکات.
بەپێی ڕاگەیەنراوەكە، “سودانی ئەو دۆخه ئەرێنییەی بەرز نرخاند، کە حکومەتی هەرێم تێیدا کاردەکات سەبارەت بە فایلە هاوبەشەکان لەگەڵ حکومەتی فیدڕاڵی”.
سودانی وتیشی، “حکومەت، لە ماوەی دوو ساڵدا، ڕێگایەکی دووری بڕیوە لە دروستکردنی متمانە لەگەڵ حکومەتی هەرێم و چارەسەرکردنی زۆرێک لە کێشەکان لەسەر بنەمای هاوبەشی بەهێز ئارەزووی زاڵبون بەسەر جیاوازییەکان دەکات”.
لای خۆیەوە، مەسعود بارزانی ئاماژەی بەوەدا، کە ڕۆڵی ئەرێنی سەرۆکی حکومەت هۆکاری سەرکەوتنی هەڵبژاردنەکانی هەرێم بووە، جەختیشی لە بەردەوامیی گفتوگۆکان لەگەڵ هێزەکانی کوردستان بۆ پێکهێنانی حکومەت لە هەرێم کردەوە.
هاوكات باره‌گای بارزانی له ڕاگه‌یه‌ندراوێكدا باسی له‌وه‌كردوه، لەدیدارەكەدا تاوتوێی بارودۆخی سیاسیی عێراق و دوایین گۆڕانكاری و پێشهاتەكانی ناوچەكە كرا و هەروەها جەختیش لەوەكرایەوە، كە “لە پەیوەندی و هەماهەنگییەكانی نێوان حكومەتی هەرێمی كوردستان و حكومەتی عێراقی فیدڕاڵدا هەنگاوی ئیجابی و باش نراون”.
