قایمقامیەتى قەزاى ڕانیە ڕایگەیاند، رۆژى پێنجشەممەی ئەم هەفتەیە لە سنوورەکەیان نەوتى سپى دابەشدەکرێت.
قایمقامیەتى قەزاى ڕانیە لە ڕاگەیەندراوێکدا ئاگاداری ئەو هاووڵاتیانە دەکاتەوە کە نەوتیان وەرنەگرتووە، پەیوەندی بە موختاری گەرەکەکەیانەوە بکەن و بەرمیلەکانیان لە شوێنێکی دیاریکراو کۆبکەنەوە بۆ ئەوەى نەوتیان پێبدرێت.
بەپێی ڕاگەیەندراوەکەی قایمقامیەتی ڕانیە، ڕۆژی پێنجشەممە 14ی تشرینی دووەمی 2024، نەوت بۆ سنووری قەزای رانیە دێت و ئەو هاووڵاتیانەی بەهەر هۆکارێک بێت نەیانتوانیوە نەوت وەربگرن، نەوتیان پێدەدرێت.
بڕیارە هەر ئەمڕۆ لە گەڕەکەکانی ناو قەزای چەمچەماڵ نەوتی سپی هاووڵاتییان دابەشبکرێت کە بڕی نەوتەکە 200 لیترە و بە 104 هەزار دینار بە هاووڵاتییان دەدرێت.
