سەرۆك کۆمار بۆ بەشداریکردن لە کۆنفرانسی کەشوهەوا سبەینێ سەردانی ئازەربایجان دەکات.
سەرۆكایەتی كۆماری عێراق لە بەیاننامەیەكدا ئاماژەی بەوەكردووە، د.لەتیف جەمال ڕەشید، سەرۆك كۆمار سبەینێ دوو شەممە 11-11-2024، سەردانی کۆماری ئازەربایجان دەکات.
ڕاشیگەیاندووە، سەردانەکەی سەرۆك کۆمار لە وەڵامی بانگهێشتێکی فەرمی ئیلهام حەیدەر عەلیێڤ، سەرۆك کۆماری ئازەربایجانە بۆ بەشداریکردن لە لوتکەی نەتەوە یەکگرتووەکان بۆ کەشوهەوا (COP29)، کە لە باکۆی پایتەختی ئەو وڵاتە بەڕێوەدەچێت.
لەو سەردانەدا، شاندێكی حکومی و پەرلەمانی یاوەریی سەرۆك کۆمار دەکات، کە پێکهاتوە لە د.فوئاد حسێن، جێگری سەرۆك وەزیران و وەزیری دەرەوە، دکتۆر ساڵح حەسناوی، وەزیری تەندروستی، فالح خەزعەلی، سەرۆکی لیژنەی کشتوکاڵ و ئاو و زۆنگاوەکان لە پەرلەمان و ژمارەیەك لە لێپرسراوان و ڕاوێژکاران.
