سەرۆكی هەرێمی كوردستان بۆ بەشداریی لە (COP29)لوتكەی جیهانی كەشوهەوا دەچێتە باكۆ-ی پایتەختی ئازەربایجان.
سبەینێ دوو شەممە، 11-11-2024، نێچیرڤان بارزانی، سەرۆكی هەرێمی كوردستان بە مەبەستی بەشداریی لە كۆنفرانسی جیهانیی كەشوهەوا (COP29) دەچێتە باكۆ-ی پایتەختی ئازەربایجان.
كۆنفرانسی ئەمساڵی جیهانیی كەشوهەوا (COP29) لە ماوەی نێوان 11 بۆ 22ـی ئەم مانگە لە باكۆی پایتەختی ئازەربایجان بەڕێوە دەچێت.
ڕۆژی 22-07-2024 باڵیۆزی ئازەربایجان لە عێراق بە شێوەیەكی فەرمی بانگهێشتنامەیەكی سەرۆكایەتیی وڵاتەكەی بۆ سەرۆكی هەرێمی كوردستان پێشكێش كرد، بە مەبەستی بەشداریكردنی لە كارەكانی ئەو كۆنفرانسەیە.
