وتەبێژی یەکێتی نیشتمانی کوردستان ڕایگەیاند، تا ئێستا گفتوگۆی فەرمی بۆ پێکهێنانی حکومەتی نوێی هەرێم دەستیپێنەکردووە و بەم نزیکانە حزبەکەی بۆ ئەو مەبەستە سەردانی لایەکان دەکات.
سەعدی پیرە، وتەبێژی فەرمی یەکێتی نیشتمانی کوردستان ئەمڕۆ شەممە لە کۆنگرەیەکی رۆژنامەنووسیدا ڕایگەیاند: فەرمانی سەرۆکی هەرێم دەرچووە بۆ راسپاردنی لایەنی براوە بۆ پێکهێنانی حکومەتی هەرێم.
باسی لەوەشکرد: ئەوەی پەیوەندی بە یەکێتییەوە هەیە شاندی خۆی هەیە و لە کەناڵەکانی خۆیەوە پەیوەندی بە لایەنەکانەوە کردووە بۆ ئاڵوگۆڕکردنی بیروڕا لە بارەی پێکهێنانی حکومەتی هەرێم، بەڵام وەک گفتوگۆی فەرمی هێشتا لای یەکێتیەوە دەستیپێنەکردووە و بەم نزیکانە دەست پێدەکات.
باسی لەوەشکرد، دابەشکردنی پۆستە حکومییەکان لەسەر بنەمای ئەنجامەکانی هەڵبژاردن دەبێت نەک لەڕێگای کەناڵەکانی ڕاگەیاندنەوە، ئەو قسانەی لە میدیادا دەکرێت کە فڵان بۆست بۆ فڵان لایەنە زیادە و بێ واتان و تەنها بۆ تێکدانن.
