لە بەرەبەیانی رۆژی دووشەممە باران بارین لە ناوچە جیاجیاكانی هەرێمی كوردستان دەستپێدەكاتەوە, هەورە بروسكەشی لەگەڵدایە.
ئەمڕۆ هەینی ئاراس جەبار، شارەزای كەشناسی هەرێم، ڕایگەیاند، لە ئێوارەی رۆژی یەکشەمەوە 10/11/2024 حاڵەتێکی لاوازی ناسەقامگیری کەش کە سەرچاوەکەی دەریای سورە ناوچە جیاجیاکانی رۆژئاواو ناوەڕاستی عێراق دەگرێتەوەو لە بەرەبەیانی رۆژی دووشەممە 11/11/2024 کاریگەرییەکانی درێژئەبێتەوە بۆ سەر ناوچەکانی ھەرێمی کوردستان و بارانێکی کەم بۆ مامناوەند بەشێوەی پچڕپچڕ و تاوە باران دەستپێدەکاتەوە.
هاوکات ئاماژەی بەوەشدا لەگەڵ بوونی ھەورە بروسکە كە کاریگەری بارانەکەش زیاتر ئەبێت لەسەر ناوچەکانی باکوری رۆژھەڵات و رۆژھەڵاتی ھەرێمی کوردستان.
ئاراس جەبار ئەوەشی خستۆتەڕوو، ئێوارەی ھەمان رۆژ دووشەممە کاریگەری ئەو بارانبارینە کۆتایی دێت لەگەڵ نزمبونەوەی پلەکانی گەرما بەرێژەی 2 بۆ 4 پلە .
