چەمکی “دوانە دیجیتاڵی” لەم ساڵانەی دواییدا بە شێوەیەکی بەرفراوان دەرکەوتووە بە ئاماژەدان بە یەکێک لە تەکنەلۆژیاکانی داهاتووی ژیانی ئاسایی کە ڕێژەی بەکارهێنانی بەرز دەکاتەوە هەرچەندە تەکنەلۆژیا نوێیەکانی پەیوەست بە زیرەکی دەستکرد لەم دواییانەدا تاڕادەیەک کەمکراونەتەوە.
هەروەها تەکنەلۆژیای “دوانە دیجیتاڵی” چەندین بەکارهێنانی هەمەچەشن و جیاوازی هەیە لە هەموو کەرتەکاندا، بەو پێیەی دەتوانرێت لە هەر کەرتێکدا بەکاربهێنرێت بە مەرجێک ئەم کەرتە مامەڵە لەگەڵ شتە فیزیکییەکان بکات لە واقیعی ئێمەدا، ئەمەش پرسیارێکی ڕاستەوخۆ دەوروژێنێت کە دووانەی دیجیتاڵ چییە؟.
تەکنەلۆژیای “دوانە دیجیتاڵی” چییە؟
ناوی ئەو تەکنەلۆجیایە ئەوەمان بۆ دەردەخات کە چییە، بەو پێیەی ئەم تەکنەلۆجیایە ئامانجی دروستکردنی کۆپییەکی هاوشێوە و ڕاستی هەیە لەو شتانەی کە لە واقیعی ئێمەدا بوونیان هەیە، بەڵام لەبری ئەوەی ئەم کۆپییانە فیزیکی بن، دیجیتاڵن و لە ژیانی ئاساییدا بوونیان هەیە، واتە ئەو “ دوانە دیجیتاڵییەکان” کۆپییەکی وردی شتەکان یان مرۆڤەکانە بەڵام لە ژیانی ئەلکترۆنیدا.
کۆپیەکانی “دوانە دیجیتاڵییەکە” تەنانەت لە بچووکترین وردەکارییەکانیشدا هاوشێوەن هەموو ئەو تایبەتمەندیانەی کە لە کۆپی ئەسڵیدا هەن هەڵدەگرێت.
بۆ ئەوەی یەکسانی “دوانە دیجیتاڵییەکە” لەگەڵ کۆپی ڕاستەقینەدا بپارێزرێت، گەشەپێدەر دەبێت دڵنیابێت لە چاودێریکردنی بەردەوامی داتا نوێکراوەکان، ڕاستەوخۆ لەگەڵ هەموو ئەو شتانەی کە لە کۆپی ڕاستەقینەدا ڕوودەدەن.
گونجانی کۆپی دیجیتاڵی لەگەڵ زیندەوەرە زیندووەکان لە تایبەتمەندییە فیزیاییەکان زیاترە، چونکە تەکنەلۆژیا مۆدێرنەکان میکانیزم بۆ گواستنەوەی هەست و بیرکردنەوەکانی پەیوەست بە مرۆڤەکان بۆ ناو کۆپی دیجیتاڵی بە شێوەیەک دابین دەکەن کە چینە جیاوازەکانی کردار و بیرۆکە و چەمکەکان بەیەکەوە دەبەستێتەوە، بەم جۆرەش جۆرێک نزیکبوونەوەی تەواو لەو شتانە درووستدەکات کە لەژیانی ڕاستیدا بوونیان هەیە.
جۆرە جیاوازەکانی “دوانە دیجیتاڵی”
“دوانە دیجیتاڵییەکە” دەتوانرێت لە ژێر چەندین جۆری جیاوازدا پۆلێن بکرێت، هەرچەندە بیرۆکەی سەرەکی کە ئەم تەکنەلۆژیایە پێکدەهێنێت، یەکسانە، جیاوازییەکە لە سەرچاوەی ئەم “دوانە دیجیتاڵییە”دایە یان ئەو شتەی کە تەقلیدی دەکات، جا چ شتێکی بێ گیاندار بێت یان بوونەوەرێکی زیندوو.
یەکێک لە جۆرە جیاوازەکانی ئەم تەکنەلۆژیایە بریتییە لە “دوانە بەرهەمی دیجیتاڵی”، کۆپییەکی دیجیتاڵی بەرهەمە جیاوازەکان لە هەموو قۆناغەکانی پەرەپێدانیاندا دروست دەکرێت، میکانیزمەکانی بەکارهێنانی ئەم بەرهەمانە تاقیدەکرێنەوە و بارودۆخە جیاوازەکانی بەکارهێنان ھاوشێوە دەکرێن بۆ دڵنیابوون لە کوالیتی و کارایی بەرهەمەکە بەبێ ئەوەی پێویست بکات دڵنیایی لە تاقیکردنەوە ڕاستەقینەکانی بەرهەمەکەدا بکرێت ئەم جۆرە بەشەکانی وەک( فڕۆکەی دوانە- ئۆتۆمبێل و بەرهەمەکانی تر لەخۆدەگرێت).
بەرنامەی “Google Maps” و نەخشەی دیکە بەرنامەکان نموونەی زیندوون بۆ بەکارهێنانی تەکنەلۆژیای “دوانە” “داتای دیجیتاڵی”، چونکە ئەم بەرنامانە کۆپییەکی داتاکانی ڕووی زەوی و ڕێگاوبان لەخۆدەگرن، و لە ڕێگەی بەکارهێنانی مانگە دەستکردەکانەوە، نوێ دەکرێنەوە لەگەڵ هاتووچۆ، ئۆتۆمبێل، قەرەباڵغی و وردەکارییەکانی تر.
بەکارهێنانی تەکنەلۆژیای “دوانە دیجیتاڵی”.
کۆمپانیای شیکاری مەکینزی توێژینەوەیەکی لەسەر تەکنەلۆژیای “دوانە دیجیتاڵییەکان” و بەکارهێنانی لە واقیعدا و داهاتووی بڵاوکردەوە، بە پشتبەستن بەم لێکۆڵینەوەیە کۆمپانیاکە پێشبینی دەکات بەهای کەرتی “دوانە دیجیتاڵی” تا ساڵی ٢٠٢٧ بگاتە ٧٣.٥ ملیار دۆلار، هەروەها 70%ی بەڕێوەبەری جێبەجێکاری کۆمپانیاکانی تەکنەلۆژیا لە ئێستاوە تەکنەلۆژیاکە بەکاردەهێنن و وەبەرهێنانیان لە تەکنەلۆژیادا کردووە.
بەگشتی بەکارهێنانی تەکنەلۆژیای “دوانە دیجیتاڵی” لە نێوان کەرتە جیاوازەکاندا جیاوازە بۆ نموونە لە کەرتی پیشەسازی و بەرهەمهێناندا، دەتوانرێت پشت بەم تەکنەلۆژیایە ببەسترێت بۆ دروستکردنی ھاوشێوەکردنی ورد و واقیعی بۆ بەرهەمە جیاوازەکان لە قۆناغە جیاوازەکانی گەشەکردندا، بۆ ئەوەی بتوانێت بەرهەمەکە بە باشی و گونجاو دروست بکات.
“دوانە دیجیتاڵییەکان” لە کەرتی پزیشکیدا
ڕەنگە کەرتی پزیشکی زۆرترین سوودمەند بێت لە تەکنەلۆژیای “دوانە دیجیتاڵییەکە”، سەرەڕای بەکارهێنانی و سنووردارکردنی ئەو تەکنەلۆژیایە ئەمەش لەبەر ئەوەیە کە ژینگەیەکی یەکگرتوو بۆ پزیشکان و توێژەران بۆ ھاوشێوەکردنی حاڵەتە نەخۆشییە جۆراوجۆرەکان و دەستنیشانکردنەکان فەراهەم بکرێت.
بە بەکارهێنانی ئەم داتایانە و بەکارهێنانی پشکنینی جیاواز و جۆراوجۆر بۆی، دەکرێت چارەسەری نەخۆشییە جۆراوجۆرەکان بکرێت و ڕێکارەکانی نەشتەرگەری تاقیبکرێتەوە پێش ئەوەی بەکار بهێنرێت بۆ نەخۆشەکە ، ئەمە جگە لە وەرگرتنی ڕاوێژ لە پسپۆڕانی نەشتەرگەری لە کەرتە جیاوازەکان لە هەر شوێنێکی جیهانەوە، ئەمەش لە توێژینەوەیەکدا ئاماژەی پێکراوە کە لە ماڵپەڕی Frontiers in Digital Health بڵاوکراوەتەوە.
نموونەی بەکارهێنانی ڕاستەوخۆی “دوانە دیجیتاڵییەکان”
نموونەی کۆمپانیایەک کە بە شێوەیەکی بەرفراوان دەستی کردووە بە بەکارهێنانی تەکنەلۆژیای “دوانە دیجیتاڵییەکان” کۆمپانیای کەشتیسازی ئیماراتی نیوزلەندا، کە توانی لە ڕێگەی ئەم تەکنەلۆژیایەوە بەلەم و دیزاینە جیاوازەکان لە بارودۆخی کارکردن و ژینگەیی جیاوازدا تاقیبکاتەوە بۆ دڵنیابوون لە سەلامەتییان پێش بەرهەمهێنان بەلەمەکە.
سپەیس ئێکس و سپەیس فۆرس بەکارهێنەری سەرەکی ئەم تەکنەلۆژیایەن بە مەبەستی ئەنجامدانی ڕێکارەکانی ھاوشێوەکردنی نزیک لە واقیعی لەسەر جەستەی کەشتیوانەکان و ئۆتۆمبێلەکانیان بۆ دڵنیابوون لە سەلامەتی و توانای بەرگەگرتنی بارودۆخی کارکردنیان لە بۆشایی ئاسمان.
پێشبینی دەکرێت لە داهاتوویەکی نزیکدا پشتبەستن بە تەکنەلۆژیای “دوانە دیجیتاڵی” زیاد بکات، لەگەڵ پەرەسەندنی تەکنەلۆژیای زیرەکی دەستکردی درووستکەر و بڵاوبوونەوەی تەکنەلۆژیای جۆراوجۆر لە هەموو کەرتەکاندا.
