لە سنووری ئیدارەی ڕاپەڕین نرخی پاس بۆ گواستنەوەی خوێندكاران دیاری كرا، كە بە مانگانە 25 هەزار دینارە و بەڕۆژانە 1250 دینار دیاری كراوە.
بەڕێوەبەرایەتی گواستنەوەی ڕاپەرین بە هاوبەشی لیژنە هاوبەشەکانی قائمقامیەتی قەزای ڕانیە و بەڕێوەبەرایەتی ئاسایشی ڕاپەرین (ِبەشی ئابووری) و لقی ڕاپەرینی سەندیکای کرێکارانی نرخی گواستنەوەی خوێندکارانیان بە پاس دیاری كرد.
قائیمقامیەتی قەزای ڕانیە لە ڕاگەیەنراوێكدا ئاماژەی بەوەكردووە، پێویستە شۆفێران پابەندی سەرجەم ڕێنماییەکانی لیژنەکانی پەیوەندیدار بن لەپێناو پاراستنی تەندرووستی فێرخوازان .
ڕاشیگەیاندووە، بەپێی بڕیارەكە، نرخی گواستنەوەی خوێندكاران بۆ ناو شار مانگانە ٢٥٠٠٠ هەزار دینارە و نرخی گواستنەوەی ڕۆژانەش لە ناو شار 1250 دینارە.
