کۆمپانیای ئەیر فرەنس-ی هێڵی ئاسمانی گەشتەکانی بەسەر ناوچەکانی دەریای سووردا ڕادەگرێت، بەهۆی پاراستنی سەلامەتی گیانی کارمەندان و سەرنشینانیەوە.
ئەمڕۆ دووشەممە، کۆمپانیای هێڵی ئاسمانی ئەیر فرەنس ڕایگەیاند، “لە ڕێکارێکی خۆپارێزیدا بەمەبەستی پاراستنی سەلامەتی گیانی کارمەندان و سەرنشینان گەشتە ئاسمانییەکانمان بەسەر دەریای سووردا بۆ ماوەیەکی کاتی ڕاگرتووە”.
کۆمپانیای ئەیر فرەنس ئەوەشی خستەڕوو: “هێڵی ئاسمانی گەشتەکانمان بەسەر ناوچەکانی دەریای سووردا رادەگرێت پاش ئەوەی تیمە فڕۆکەوانییەکانمان مووشەكیان لە ئاسمانی سوودان بینیوە، بڕیاردراوە گەشتەکان رابگیرێن و بەردەوام چاودێری ئەو ناوچانە دەکەین کە فرۆکەکانمان بە سەریاندا دەفڕن”.
