لە هەولێر چەند کەسێک بە تۆمەتی دزینی ماتۆڕسکیل دەستگیرکران و پۆلیسیش هۆشداری دەداتە ئەو کەسانەی کڕین و فرۆشتن بە کەلوپەلی زدراوەوە دەکەن.
ئەمڕۆ دووشەممە، بەڕێوەبەرایەتی پۆلیسی پارێزگەی هەولێر ڕایگەیاند، چەند تۆمەتبارێکیان دەستگیر کرد، کە لە کات و شوێنی جیادا چەند ماتۆڕسکیلێکیان دزیبوو.
ڕوونیشیکردەوە کە پەڕاوی لێکۆڵینەوە بۆ تۆمەتبارەکان کراوەتەوە و دراونەتە دادگا.
پۆلیسی هەولێر هۆشداریشی دایە سەرجەم ئەو کەسانەی کە کڕین و فرۆشتن بە ماتۆڕسکیل و هەر کەلوپەلێکی دزراو دەکەن، کە ڕێکاری یاساییان بەرامبەر دەگرنەبەر و ڕادەستی دادگایان دەکەن.
