ئەنجومەنی باڵای ئاسایشی نیشطیمانی ئێرا وەڵامدانەوەی هێرشەکەی ئیسرائیلی پەسەند کرد و دەڵێت”گروپە چەکدارەکان ڕۆڵێکی گرنگیان دەبێت”.
ئیسماعیل کەسەری، ئەندامی لیژنەی ئاسایشی نیشتمانیی پەرلەمانی ئێران بە میدیا ناوخۆییەکانی ڕاگەیاندووە، کات و شوێنی وەڵامدانەوەی هێرشەکانی ئیسرائیل دەکەوێتە ئەستۆی هێزە چەکدارەکانی نزیک لە ئێران و ئەوان ڕۆڵێکی گەورەیان دەبێت لەو وەڵامدانەوەیە.
کەوسەری فەرماندەی پێشووی نێو سوپای پاسداران ئاماژەی بەوەشدا، وەڵامی سەربازیی ئێران بۆ سەر ئیسرائیل بە هاوکاری هێزەکانی بەرەی مقاوەمە یەکلابووەتەوە، و ئەوان لە پلان و شێوازی ئەنجامدانی تۆڵەکردنەوەکە ئاگادارن و ڕۆڵی گرنگیان دەبێت.
کەوسەری هیچ ئاماژەیەکی بە کات و شێوازی وەڵامدانەوە و جۆری هێرشەکان نەکرد، تەنها جەختیکردەوە کە هێرشی ئەمجارە لەوەی پێشتر قورستر دەبێت و بە زەبرتر دەبێت.
ئێران لە هێرشی پێشوویدا نزیکەی 200 مووشەکی بالیستی ئاڕاستەی ئیسرائیل کرد کە بەپێی تەلئەڤیڤ هەندێک زیانی بە دامەزراوە سەربازی و مەدەنییەکانی ئیسرائیل گەیاند، هاوکات ئیسرائیل لەوەڵامی ئەو هێرشەدا بە نزیکەیی 100 فڕۆکەی جەنگی لە ئاسمانەوە چەند دامەزراوەیەکی سەربازی لە ئێران کردە ئامانج و بەپێی زانیارییەکانیش سیستمی بەرگری ئاسمانی ئیران زیانێکی زۆری بەرکەوتووە.
ئەمە لەکاتێکدایە کە پێشتر ئیسرائیل ڕایگەیاندبوو هەر وەڵامێکی ئێران بەرپەرچ دەدرێتەوە و دامەزراوە ئەتۆمییەکانی ئەو وڵاتەش بەدەر نییە لە پلانی وەڵامدانەوە و کردنە ئامانج لەلایەن هێزی وڵاتەکەمانەوە.
