بانكی ڕافیدەینی عێراقی ڕایدەگەیەنێت، پارە خراوەتە سەر هەژماری بانكی خانەنشینانی سەربازی و مەدەنی و تۆڕی پاراستنی كۆمەڵایەتی و ئەو مووچەخۆرانەی نامە هاتووە بۆ مۆبایلەكانیان دەتوانن مووچە وەربگرن.
بانکی ڕافیدەین لە ڕاگەیەنراوێكدا دابەشکردنی ڕاستەوخۆی مووچەی خانەنشینان و تۆڕی پاراستنی كۆمەڵایەتی بۆ مانگی 11 لە ڕێگەی ئامرازەکانی پارەدانی ئەلیکترۆنی ڕاگەیاند.
ئاماژەی بەوەکردووە، دابەشکردنی مووچە بەسەر خانەنشینانی مەدەنی و سەربازی دەستیپێکردووە و ئەو خانەنشینانەی كورتە نامەیان پێدەگات دەتوانن لە هەر کوێیەک بن بچن بۆ وەرگرتنی مووچەکانیان.
ڕاشیگەیاندووە، مووچەی پاراستنی کۆمەڵایەتی بەسەر ژن و پیاودا دابەشکراوە لە ڕێگەی ئامرازی پارەدانی ئەلیکترۆنیەوە کراوە و هەر هاوڵاتییەک لە مووچەکەدا جێگیر بووبێت و نامەی کورتی پێگەیشتبێت دەتوانێت مووچەکەی لە تۆڕی لقەکانی بانکەکە وەربگرێت.
