بە پێی ئامارەکانی بەڕێوەبەرایەتی گشتی کشتوکاڵی سلێمانی، بەراورد لەگەڵ پار ڕێژەی بارانبارین زیادیکردووە.
ئەمڕۆ یەکشەممە، بەڕێوەبەرایەتی گشتی کشتوکاڵی سلێمانی ڕیژەی بارانبارینی 24 کاتژمێری ڕابردووی بڵاوکردەوە و تێیدا هاتووە، زۆرترین ڕێژەی بارانبارین لە هەڵەبجەی تازە تۆمارکراوە کە بڕەکەی 58.4 ملیم بووە.
ئەوەشی خستووەتەڕوو کە بەراورد لەگەڵ هەمان ڕۆژی ساڵی ڕابردوو، ڕێژەی باران لەسەرجەم ناوچەکان زیادیکردووە.
