پڕۆژەی ڕووناكی حكومەتی هەرێمی كوردستان بەردەوامە و لە دوو هەفتەی ئایندەدا کارەبای 24 کاتژمێری (پریپەید) بۆ گەرەکی بەختیار و وەزیران لە هەولێر دابین دەکرێت .
بەختیار قاسم، بەڕێوەبەری گشتیی كارەبای هەولێر ڕایگەیاندووە، لە دوای هەردوو گەڕەكی شادی و نازناز، ئێستا پڕۆژەی ڕووناكی لە دوو گەڕەكی تری هەولێر جێبەجێ دەكرێت و كارەبای هاوبەشانی هەردوو گەڕەك دەكرێت بە 24 کاتژمێری.
ڕاشیگەیاندووە، پڕۆژەی ڕووناكی سەرەتا لە گەڕەكی شادی و دواتر لە گەڕەكی نازنازی شاری هەولێر جێبەجێ كرا، ئێستا دانیشتووانی ئەو دوو گەڕەكە 24 کاتژمێر كارەبایان پێ دەدرێت.
ئاشكراشی كرد، بریار وایە تا کۆتایی ساڵی 2026 سەرجەم شار و گوند و قەزا و نەحیەکان کارەبایان ببێتە 24 کاتژمێری.
