وەزیرى خوێندنى باڵا زانکۆکان ڕادەسپێرێت بە دەرکردنى فەرمانى زانکۆیى بۆ دەست بەکاربوونى مامۆستایانى وانەبێژ بە شێوەى گرێبەست
لە گشتاندنێکدا کە واژۆی ئارام محەمەد، وەزیرى خوێندنى باڵا و توێژینەوەى زانستى لەسەرە و ئاڕاستەى گشت زانکۆ حکومییەکانى هەرێمى کوردستان کراوە، زانکۆکان راسپێدراوە بە دەرکردنی فەرمان بۆ بەگرێبەستکردنی وانەبێژان.
لە نووسراوەکەی وەزیری خوێندنی باڵادا هاتووە: “تیایدا هاتووە دوا بەدواى فەرمانى وەزاریمان ژمارە (٢٣٦٧) لە ڕێکەوتى (٦/ ١٠/ ٢٠٢٤) سەبارەت بە دامەزراندنى مامۆستایانى وانەبێژى سەر بە وەزارەتمان بە شێوەى گرێبەست، بڕیاردرا بە: (ڕاسپاردنى زانکۆکان، بەدەرکردنى فەرمانى زانکۆیى دەست بەکاربون بۆ وانەبێژانى دامەزراو بەشێوەى گرێبەست لەسەر میلاکى زانکۆکانتان لە ڕێکەوتى (٢٨/ ١٠/ ٢٠٢٤)”.
ئەمەش دەقی نووسراوەکەیە:
