نرخی نەوت ئەمڕۆ سێ دۆلار دابەزی، ئەمەش دوای ئەوەی ئێران هێرشەکەی ئیسرائیلی بۆ سەر وڵاتەکەی بە بێ کاریگەر و زیانەکانیشی بە سنووردار ناوبرد.
ئەمڕۆ دووشەممە یەک بەرمیل نەوتی برێنت سێ دۆلار دابەزی و بە 72 دۆلار و 70 سەنت مامەڵەی پێوەدەکرێت.
هەروەها یەک بەرمیل نەوتی خاوی ئەمریکاش سێ دۆلار و 35 سەنت دابەزی و یەک بەرمیلی بە 68 دۆلار و 51 سەنت دەفرۆشرێت.
بەو پێیەبێت، هەردوو نرخی نەوتی برێنت و سووکی تەکساس لە کەمترین ئاستەکانی ئەم مانگە، مامەڵەیان پێوە دەکرێت.
نرخی نەوت هەفتەی رابردوو بەڕێژەی 4٪ بەرزببووەوە، بەهۆی ناڕوونییەکانی پەیوەست بە چۆنییەتی هێرشی ئێسرائیل بۆ سەر ئێران، بەڵام هێرشەکەی رۆژی شەممەی ئیسرائیل، دامەزراوە نەوتی و ئەتۆمییەکانی نەکردە ئامانج، بەو پێیەش شارەزایانی وزە پێیانوایە مەترسی پچڕانی گواستنەوەی نەوت بەهۆی هێرشەکانەوە نەماوە.
